Isang Pilipino sa Singapore ang nagpositibo sa coronavirus disease 2019 (COVID-19).
Batay sa impormasyon mula sa Embahada ng Pilipinas sa Singapore, kasalukuyang naka-isolate ang Pinoy sa national Centre for Infectious Disease.
Ayon kay Foreign Affairs Undersecretary Brigido Dulay, ito ang kauna-unahang kumpirmadong kaso ng isang Pilipino sa Singapore nahawaan ng COVID-19.
Pagtitiyak ni Dulay, mahigpit na nakikipag-ugnayan ang Philippine Embassy sa Singaporean Health officials para mabantayan ang kondisyon ng Pinoy.
Sa pinakahuling datos, umaabot na sa 89 ang kumpirmadong kaso ng COVID-19 sa Singapore.
