Pinayuhan ng DFA o Department of Foreign Affairs ang Filipino Commmunity sa Iraq na manatiling mapagmatiyag.
Kasunod ito ng pag-atake ng teroristang grupo sa Iraq na ikinasawi ng 3 katao kabilang na ang isang Turkish Diplomat.
Sa abiso ng embahada ng Pilipinas sa Baghdad, hinimok nito ang lahat ng mga Filipinong nasa Iraq o magtutungo pa lamang sa nasabing bansa na manatiling alerto laban sa mga posibilidad ng banta sa seguridad.
Gayundin ang umiwas na makibahagi sa mga demonstrasyon sa mga pampublikong lugar.
Magugunitang nitong Miyerkules lamang, pinagbabaril ang Vice Consul ng Turkey sa Iraq at dalawang iba pa ng mga hinihinalang miyembro ng itinuturing na teroristang grupong Kurdistan Workers Party.
Bilang tugon sa pangyayari, agad na naglunsad ng Air Attack ang Turkey sa Iraqi Kurdistan.
