Ilang mga Pilipino na naiwan sa Afghanistan ang hindi makagalaw dahil sa problema sa seguridad.
Ito ay ayon kay Joseph Glenn Gumpal, Pangulo ng Filipino community group na Samahang Pilipino sa Afghanistan o SPA, pahirapan ang paglabas doon at kahit siya ay hindi makapaniwala kung paano siya nakalusot patungong airport.
Bukod dito, ilang Pinoy rin na nasa Afghanistan ang tinulungan ng kanilang employers para makasakay palabas sa naturang bansa.
Inamin din ni Gumpal na maraming Pilipino ang nais na lamang manatili sa gitna ng kaguluhan.
Samantala, ayon sa ilang nailikas na Pinoy sa nasabing bansa , hindi sila sinasaktan ng Taliban, ngunit grabe ang kanilang naramdamang takot dito.
