Binabaan pa ng National Irrigation Administration (NIA) – Magat River Integrated Irrigation System Dam and Reservoir Division ang dami ng ipinakakawalang tubig sa Magat Dam sa Isabela.
Ito ay bagama’t nanatili pa ring nakabukas ang dalawang gate nito.
Ayon sa NIA, nakabukas na lamang sa 2-metro ang gate 4 at 3 ng Magat Dam mula sa dating 3-metro.
Kapwa namang nagpapakawala ang ito ng tinatayang 414 cubic meter per second na dami ng tubig.
Una rito, anim na gate ng Magat Dam ang binuksan noong weekend dahil sa naranasang malakas na pag-ulang dala ng tail end of a frontal system at hanging Amihan na pinalakas ng Bagyong Vicky sa Cagayan Valley.
Binawasan naman ito sa dalawa, kahapon, araw ng Lunes.
