Pumanaw na sa edad na 94 ang pinaka maruming tao sa buong mundo na naninirahan sa Southern Province ng Fars, Iran.
Kinilala ang tinaguriang “Dirtiest man in the world” na si Amou Haji na 70 taon nang hindi naliligo dahil sa takot na baka magkasakit.
Nabatid na hinikayat umano si Haji ang mga residente sa lugar para maligo pero ilang buwan matapos makaligo, ay nagkasakit si Haji at namatay.
Base sa nakuhang impormasyon, naniniwala kasi si Haji na ang pagpapanatili ng dumi sa kaniyang katawan ang nagpapanatili sa kanya ng buhay sa mahabang panahon.
Isa rin umano sa nagpapalungkot sa kaniya ang mga taong nagtatangka na paliguan siya at bigyan ng malinis na tubig.
