Posibleng palawigin ang pilot implementation para sa motorcycle taxi o habal-habal gaya ng Angkas.
Ipinabatid ng inter-agency technical working group (TWG) sa mga motorcycle taxis na ikinukunsidera nila ang anim na buwang extension sa motorcycle taxi pilot implementation para mapag-aralan kung maaaring payagan ang pagpasok ng bagong players.
December 26 nakatakdang matapos ang pilot implementation ng motorcycle taxis
Binuo ng Department of Transportation (DOTr) ang TWG para pag-aralan ang posibilidad na magamit ang motorsiklo bilang public transportation at kung ligtas ba itong gamitin.
Ayon kay TWG Chairperson at Land Transportation Franchising and Regulatory Board (LTFRB) Board Member Retired Police Major General Antonio Gardiola, sa kasagsagan ng pagpapalawig ng imlementasyon ay magkakaroon sila ng pagkakataong pag-aralan kung uubrang payagan ang bagong motorcycle tax providers para mabigyan ng mas malawak na pagpipilian ang publiko.
