Naghain ng petition for mandamus sa Korte Suprema si House Majority Leader Rolando Andaya.
Layon ng mandamus na atasan ng Korte Suprema si Budget Secretary Benjamin Diokno na ibigay ang ika-apat na bahagi ng umento sa sahod ng mga manggagawa na itinakda sa taong ito.
Binigyang diin ni Andaya sa kanyang petisyon na hindi maaaring gamiting hostage ni Diokno ang umento sa sahod ng mga manggagawa dahil hindi pa naipapasa ang panukalang budget para sa taong ito.
Una nang iginiit ni Diokno na maibibigay lamang ang ika apat na bahagi ng umento sa sahod ng mga empleyado ng pamahalaan kapag naipasa na ang 2019 national budget.
Matatandaan na re-enacted budget ang ginagamit ngayon ng gobyerno dahil nabigo ang kongreso na ipasa ang panukalang national budget para ngayong taon.
Andaya files a Petition for Mandamus at the SC to compel Diokno to release fund for SSL Salary increase of Government workers @dwiz882 pic.twitter.com/BCvhBjbDrp
— JILL RESONTOC – DWIZ -882 AM radio (@JILLRESONTOC) January 14, 2019