Positibo ang Presidential Commission for the Urban Poor (PCUP) sa misyong itatawid ng kauna-unahang local government units forum sa October 25.
Layon ng nasabing aktibidad, ayon kay PCUP chairperson at Chief Executive Officer Undersecretary Elpidio Jordan, Jr. na mai-prisinta nila sa LGUs ang kanilang mga proyekto para sa susunod na taon.
Bahagi na rin aniya ng programa ang paghahanda para sa urban poor solidarity week sa Disyembre.
Sinabi pa ni Jordan na makatutulong ang nasabing forum para magsilbing direct link ang PCUP sa pagitan ng gobyerno at urban poor para sa policy formulation at program implementation.
