Sinuspinde kaagad ang klase sa Philippine College of Criminology (PCC) matapos itong makatanggap ng bomb threat.
Sa kanilang Facebook page, ini-anunsyo ng pamunuan ng PCC ang suspensyon sa lahat ng klase at pinauwi na rin ang mga estudyanteng nakapasok na matapos ang natanggap na bomb threat.
Cleared naman mula sa anumang bomba ang buong campus nang isailalim sa inspeksyon ng mga otoridad.
Iniimbestigahan na ang pinagmulan ng nasabing bomb threat samantalang inanunsyo na rin ng PCC na regular na ang klase rito bukas, Enero 21. —ulat mula kay Aya Yupangco (Patrol 5)
