Naniniwala si Pangulong Ferdinand Marcos Jr. na mayroong pangangailangan ang bansa na amyendahan ang ilang probisyon sa 1987 Constitution upang mas umunlad ang ekonomiya.
Ayon kay Pangulong Marcos, paraan ito upang makapanghikayat pa ng mas maraming foreign investors na magbubukas ng kanilang negosyo sa Pilipinas.
Paglilinaw ng Pangulo, nakikita niyang dapat amyendahan lamang sa ngayon ang ilang economic provisions sa konstitusyon.
Sa kabila nito, bukas pa rin siya sa pag-amyenda sa political provisions, ngunit kailangan muna aniyang bigyan ng prayoridad ang probisyon sa ekonomiya.
