Binatikos ni Senador Antonio Trillanes IV ang naging payo ni Pangulong Rodrigo Duterte sa kaniyang mga gabinete na mag-‘walk out’ kapag sinigawan o ipahiya sa alinmang pagdinig ng Kongreso.
Para kay Trillanes, isa lamang uri ng drama sa panig ng Pangulo ang kaniyang naging payo na aniya’y hindi katanggap-tanggap bilang pinakamataas na pinuno ng bansa.
Dapat aniyang magpakita ng magandang halimbawa ang Pangulo sa lahat ng taga-gobyerno na igalang ang mga umiiral na proseso ng Kongreso, mapa-Senado man o Kamara bilang isang institusyon.
Para naman kay Senate President Koko Pimentel, dapat aniyang igalang din ang kapakanan ng mga testigo na humaharap sa isang pagdinig.
Iginiit pa ni Pimentel, mahigpit na ipinatutupad ng lahat ng mga Committee Chairmen sa Senado na dapat hindi binabastos o hinihiya ang sinumang inimbitahan sa mga pagdinig.
DWIZ Patrol Reporter Cely Ortega-Bueno
Posted by: Robert Eugenio
