Niyanig ng magnitude 3.2 na lindol ang bayan ng Patnanungan sa lalawigan ng Quezon pasado alas nuebe kaninang umaga.
Ayon sa PHIVOLCS, may lalim na 10 kilometro at tectonic ang pinagmulan ng naturang lindol.
Samantala, pasado alas-onse ng umaga naman nang yanigin din ng magnitude 5.4 na lindol ang lalawigan ng Zamboanga del Norte.
Naitala naman ang episentro ng lindol sa Baliguian, Zamboanga del Norte.
Wala namang inaasahang dulot na pinsala at aftershocks ang parehong pagyanig.
