Balik na sa normal ang klase sa Cagayan Province ngayong araw na ito –matapos ang ilang araw na pagbaha.
Balik-trabaho na rin ang mga empleyado sa gobyerno at pribadong sektor.
Ayon kay Cagayan Governor Manuel Mamba, ang hakbang ay base na rin sa rekomendasyon ng Provincial Climate Change and Disaster Risk Reduction Management Office dahil wala nang banta ng pagbaha sa lalawigan.
Ipinauubaya naman ni Mamba sa local officials kung mananatili ang suspensyon sa kani-kanilang bayan lalo na sa mga lugar na may pagbaha pa.