Natagpuang wala nang buhay ang isang Pari ‘di kalayuan sa tinutuluyan nitong Monasterio sa Malaybalay City, Bukidnon kagabi.
Kinilala ng Bukidnon Provincial Police Office ang biktima na si Fr. Rene Regalado, 42 anyos at kasalukuyang nakadestino naman sa Carmelite Monstery sa Sitio Pal-ing, Barangay Patpat.
Ayon sa mga kasamahan ng Pari, huli siyang nakita dakong alas-7 kagabi subalit alas 2 pa lang ng hapon ay nakita itong lumabas ng silid at nagpunta sa Diocesan Formation Center sa Barangay 10.
Nakarinig umano ng nasa limang putok ng baril ang kasamahang Pari ni Regalado subalit hindi nito batid kung saan ito nanggaling.
Dahil sa paghahanap, tumambad ang wala nang buhay na katawan ng pari, may tama ng bala ng baril sa ulo at may indikasyon ng pambubugbog dahil sa pamamaga sa kaliwang mata nito at pagkakagapos ng kaliwang kamay.
Nabatid din na matagal nang nakatatanggap ng banta sa kaniyang buhay si Fr. Regalado bago pa nangyari ang malupit at masaklap na sinapit nito.
Patay ang isang pari matapos barilin sa Malaybalay City sa Bukidnon.
Sa ulat mula sa Bukidnon Police, kinilala ang pari na si Fr. Rene Regalado, 42 taong gulang.
Natagpuan na lang syang patay alas-10:30 kagabi ilang metro ang layo sa Carmelite Monstery sa Sitio Pal-ing, Barangay Patpat.
May tama ng baril sa ulo ang biktima at may indiskasyon nang pambugbog sa kaliwang mata. Nakatali rin ang kaliwang kamay nito.
Base sa imbestigasyon, isang pari na residente rin sa lugar na nakarinig sya ng 5 putok ng baril pasado alas-7 ng gabi pero hindi nya alam kung saan ito nangaling.
Ayon sa ilang staff ng simbahan, alas-2 ng hapon kahapon nang umalis ang pari sa kanyang kwarto para pumunta sa Diocesan Formation Center sa Barangay 10.
Huli syang nakita sa lugar alas-7 ng gabi.
Samantala, napag alaman din na dati nang nakatanggap ng death threat ang pari. —ulat mula kay Jaymark Dagala (Patrol 9)
