Bigo pang maaprubahan ang panukalang 2026 budget ng Department of Public Works and Highways sa ikalawang araw ng Bicameral Conference Committee meeting.
Ito’y matapos kapwa imungkahi ni Senador Sherwin Gatchalian, chairman ng Senate Finance Committee, at Nueva Ecija 1st District Rep. Mikaela Suansing, chairperson ng House Appropriations Committee, na itigil muna ang deliberasyon sa nasabing proposed budget.
Tumagal nang mahigit tatlong oras ang diskusyon sa pondo ng DPWH kung saan nilinaw ni Public Works Secretary Vince Dizon ang kanilang apela na ibalik ang mga pondong ibinawas sa kanilang ahensya.
Napagkasunduang ipagpatuloy ang Bicam deliberations ngayong araw, alas-kuwatro ng hapon.
—Sa panulat ni Jordan Gutierrez
