Pursigido si Senador Koko Pimentel na maihabol sa 2016 elections ang isinusulong na panukalang itaas ang limit sa gastos sa kampanya.
Isang public hearing na lang ang gagawin ng Senate Committee on Electoral Reforms na pinamumunuan ni Pimentel at tapusin ang committee report bago isalang sa plenaryo.
Ayon sa panukala ni Pimentel, mula P10 ay magiging P20 pesos na kada botante ang papayagang gastos sa kampanya presidentiables at magiging P15 mula sa P3 para sa Vice Presidentiables at P3 pa rin para sa mga tatakbo sa pagka-senador at partylist.
Mula sa P3 ay magiging P10 naman ang maaaring gastusin ng mga tatakbo sa pagka-kongresista, alkalde at iba pang local officials.
Sinabi ni Pimentel na ang P1 noong 1991 ay katumbas na ng mahigit P9 sa mga panahong ito kaya’t dapat lamang itaas na ang halaga ng dapat gastusin sa kampanya kada botante.
By Judith Larino | Cely Bueno (Patrol 19)
