Tiniyak ng Manila Water ang pagbibigay ng pantay-pantay na serbisyo sa kanilang mga kustomer.
Sa panayam ng DWIZ, sinabi ni Manila Water Corporate Communications Head Dittie Galang, na sinisikap nila na gawing pare-pareho ang water quality gayundin ang water pressure para sa kanilang mga kustomer kahit parami nang parami ang bilang ng mga ito.
Bagama’t limitado aniya ang supply ay naghahanap sila ng alternatibong mapagkukunan ng tubig maliban sa Angat dam.
Sinabi pa ni Galang na sa kasalukuyan ay mayroong mahigit pitong milyong kustomer ang Manila Water.
