Inihayag ng isang mambabatas nais nitong paimbestigahan ang paniningil ng service fee sa ayudang ipinamimigay sa pamamagitan ng digital payouts sa gitna ng umiiral na mahigpit na quarantine status.
Ito’y ayon kay Gabriela Representative Arlene Brosas na P20 hanggang P50 service fee ang sinisingil sa kada benepisyaryong kumukuha ng ayuda sa pamamagitan ng digital payouts.
Giit ni Brosas, gusto niyang malaman kung sino nga ba ang kumita sa naturang mga service fees.
Mababatid na inamin ng Department of Social Welfare and Development (DSWD) na nasa 8% pa lamang ng ayuda ang naibibigay sa mga nakalistang apektadong pamilya.
Kung kaya’t ani Brosas, hindi na ayuda ito kung hindi abuloy na dahil inabutan na ito ng panibagong quarantine status.