Hawak na ng Philippine National Police ang pangunahing suspek sa pagpatay kay Father Richmond Nilo.
Ito ang kinumpirma ni PNP Chief Oscar Albayalde kasabay nang mismong araw ng libing ng pari sa Nueva Ecija.
Kinilala ang suspek na si Adell Roll Milan na naaresto sa Brgy Malapit, San Isidro, Nueva ecija, alas-6:30 kagabi.
Ayon kay Albayalde, positibong kinilala ang suspek ng altar boy ng simbahan.
Wala pang malinaw na motibo ngayon sa krimen pero tatlo ang tinitingnang anggulo ng Special Investigation Task Group sa pagpatay sa pari; away sa lupa; pagtulong ng pari sa biktima ng pangmomolestiya; at alitan sa relihiyon.
