Handa ng pumili si Pangulong Rodrigo Duterte sa tatlong pulitikong maaaring pumalit sa kanya para sa 2022 presidential election.
Kabilang umano sa pagpipilian ng pangulo ay sina Sen. Manny Pacquiao, Manila Mayor Isko Moreno at dating Sen. Ferdinand “Bongbong” Marcos Jr.
Ito ay ayon kay presidential Spokesperson Harry Roque sakaling hindi tumakbo ang anak ng pangulo na si Sara Duterte at Sen. Christopher “Bong” Go.
Ngunit ikukunsidera ng pangulo kung sino sa mga ito ang makakakuha ng simpatya ng publiko.
Bukod dito, sinabi pa ni Roque na malaking bagay kung sino ang i-eendorso ng pangulo dahil mataas pa rin ang approval ng publiko sa kanya. —sa panulat ni Rashid Locsin
