Tinitignan ni Pangulong Rodrigo Duterte ang posibleng pagbubukas ng ekonomiya ng bansa sa mga susunod na linggo.
Ito’y matapos ang paglunsad sa bansa ng COVID-19 vaccination program.
Ayon kay Pangulong Duterte, kung aabot sa isang milyon ang mababakunahan sa isang lugar ay maaaring bigyan ng pagkakataon na isailalim ito sa mas maluwag na quarantine restriction.
Dagdag ng Pangulo, paspasan na rin ang isinasagawang pamamahagi ng bakuna sa buong bansa upang makontrol ang paglaganap ng virus.
Sinabi rin ni Duterte na kung makikipagtulungan ang publiko sa gobyerno ay maiiwasan ang pagkalat ng virus sa bansa.—sa panulat ni Rashid Locsin