Pinawi ng Commission on Elections (COMELEC) ang pangamba ng mga rehistradong botante na hindi mahanap ang kanilang mga pangalan sa online precinct finder ng poll body.
Ayon kay COMELEC Commissioner George Garcia, hindi pinal na basehan ang precint finder para malaman ang registration status ng isang botante.
Aniya, ang pinakatamang batayan ay ang voter’s information sheets na ipinamamahagi sa buong bansa.
May posibilidad naman na ang polling place ay napalitan dahil sa request ng Department of Education (DEPED) dahil maaaring ginagawa o hindi bakante ang mismong polling precinct.
Samantala, inatasan na ng COMELEC ang mga lokal na tanggapan ng COMELEC na ipaalam sa mga botante ang pagbabago sa mga lugar ng botohan.
