Pinagbibitiw ni political analyst Professor Clarita Carlos si Presidential Spokesman Salvador Panelo.
Sa gitna na rin ito pagkakadawit sa application ni dating Calauan mayor Antonio Sanchez para mabigyan ng executive clemency.
Sinabi ni Carlos na dapat nang magbitiw sa tungkulin si Panelo dahil marami na itong mga pagkakamali bilang tagapagsalita ng pangulo.
Puro trivial at pagpapatawa lamang aniya ang mga pahayag ni Panelo na nagiging komedyante na rin.
Bagamat naniniwala si Carlos na hindi bababa si Panelo na aniya’y makapal ang mukha.
Nagtataka si Carlos kung bakit hindi pa sinisipa ng Pangulong Rodrigo Duterte si Panelo sa gitna ng kontrobersya na malinaw namang sumasalamin sa decision making judgment power ng pangulo.
