Hinatid na sa huling hantungan sa public cemetery ang pamilyang minasaker sa San Jose Del Monte, Bulacan.
Nag breakdown o halos mawalan ng malay ang padre de pamilyang si Dexter Carlos sa pagdadalamhati sa sinapit ng kaniyang pamilya.
Sa isinagawang requiem mass para sa mga biktima sa St. Joseph Church, isa-isang tiningnan ni Dexter Carlos ang mga labi ng kaniyang mga mahal sa buhay na pinatay sa kanilang bahay sa North Ridge Royal Subdivision.
Humingi pa umano ng tawad si Carlos sa mga anak na sina Donnie, Ella at Dexter Jr.
Bukod sa magkakapatid na Carlos, pinatay din ang biyenan ng padre de pamilya na si Auring Dizon at may bahay nitong si Estrella Dizon Carlos.
By Judith Estrada – Larino
