Walang balak ang pamilya Sanchez na magbayad ng P12.6-M na danyos sa pamilya nina Eileen Sarmenta at Allan Gomez, ang mga biktima ni dating Calauan Laguna Mayor Antonio Sanchez.
Sa ikalawang araw ng pagdinig ng Senate Blue Ribbon at Justice Committee, nanindigan si Ginang Elvira Sanchez, may-bahay ng dating Alkalde na walang kasalanan ang kanyang asawa kaya walang dahilan para magbayad sila ng danyos.
Kasunod nito, inirekomenda ni Senate Minority Floor Leader Franklin Drilon sa department of justice na habulin ang pamilya sanchez sa pamamagitan ng paghahain ng writ of execution sa korte.
Iginiit ni drilon, hindi makatarungang humihiling ng clemency si dating mayor sanchez habang tumatanggi itong magbayad ng danyos.
