Muling umapela sa Pangulong Rodrigo Duterte ang pamilya ni Mary Jane Veloso na iligtas sya mula sa naka ambang pagbitay sa kanya sa Indonesia.
Sa kanyang apela, sinabi ni ginang Celia Veloso, ina ni Mary Jane na tungkulin ng Pangulong Duterte bilang ama ng bansa na iligtas ang kanyang anak mula sa kamatayan.
Ayon kay ginang Veloso, kaya binigyan ng ama ang isang bansa ay upang may matakbuhan at mahingan ng tulong ang kanyang nasasakupan na maituturing na kanyang mga anak.
Una rito, inamin ng Pangulong Duterte na hindi man lang nya nabanggit ang pangalan ni Maryjane nang makausap si Indonesian President Widodo.
Sinabi ng Pangulo na hindi naman naaayon sa kanyang giyera kontra illegal drugs kung aapela sya para sa buhay ng isang convicted sa kasong may kinalaman sa drugs.
By: Len Aguirre
