Tiwala ang Malakanyang na mabilis na aaksyunan ng Ombudsman ang kasong isinampa ng Department of transportation o DOTr laban sa mga opisyal ng nakaraang administrasyon.
Ito ay kaugnay sa problema ng maintenance contract ng Metro Rail Transit o MRT – 3.
Matatandaang sinampahan na ng DOTr ang ilang miyembro ng gabinete ni dating Pangulong Noynoy Aquino kabilang sina dating Interior Secretary Mar Roxas, dating Transportation Secretary Jun Abaya at budget Secretary Butch Abad.
Sinabi pa ni Roque na umaasa sila na makikita ng Ombudsman ang pahirap sa publiko partikular na ang mga sumasakay sa MRT na idinulot ng mga dating opisyal ng nakalipas na administrasyon.
