Binigyang katwiran ng Malakaniyang ang inihirit pa nitong dagdag pondo para sa Office of the President para sa taong 2020.
Mula kasi sa kasalukuyang P6.7-B ay humihirit pa ang tanggapan ng P8.2-B o mas mataas ng P1.5-B.
Paliwanag ni Presidential Spokesman Salvador Panelo, sa paghirit ng dagdag na pondo ay mas matitiyak ang pagiging mabisa at epektibong pagbibigay ng serbisyo publiko.
Sa katunayan aniya ay nagiging takbuhan din ang tanggapan ng Pangulo kapag nakararanas ng national emergencies at mga kalamidad maging ng mga ordinaryong mamamayan na nangangailangan ng tulong.
Dagdag pa ni Panelo, maging ang mga ahensya umano na kinakapos ng pondo ay sa tanggapan din ng pangulo lumalapit.
