Kinuwestiyon ng Malakaniyang ang “timing” ni Sen. Manny Pacquiao sa pagsisiwalat ng alegasyon nito na mayroong kurapsyon sa Department of Health (DOH).
Ayon kay Presidential Spokesperson Harry Roque, posibleng absent o kung hindi naman ay pre-occupied ng ibang bagay si Pacquiao nuong nagprisinta ang mga cabinet secretaries kung papaanong tutugunan ng gobyerno ang COVID-19 pandemic.
Giit pa ni Roque, naroon si Pacquiao nuong pagdinig sa Senado at kung mayroon pala siyang katanungan kay Health Secretary Duque, dapat nuon pa lang ay tinatanong na niya ito duon.
Una rito, tinanggap ni Pacquaio ang hamon ni Pangulong Rodrigod Duterte na isiwalat kung sino ang tinutukoy nitong kurap sa kaniyang administrasyon.
