Dismayado ang Palasyo sa pagkakabasura ng Commission on Appointments o CA sa pagtalaga kay Health Secretary Paulyn Ubial.
Sinabi ni Presidential Spokesman Ernesto Abella na nagpapasalamat sila sa serbisyong ibinigay ni Ubial sa Department of Health o DOH.
Si Ubial aniya ang naging ehemplo ng malasakit program ng Pangulong Rodrigo Duterte na “All for Health Towards Health for All” Philippine health agenda.
Hangad ng Palasyo na gabayan si Ubial sa mga susunod na hakbangin nito sa buhay.
Magugunitang hindi rin nakalusot sa CA sina Environment Secretary Gina Lopez, Agriculture Secretary Rafael Mariano, DSWD Secretary Judy Taguiwalo at Foreign Affairs Secretary Perfecto Yasay.
