Pinangunahan ni Pangulong Rodrigo Duterte ang pagsira sa 122 smuggled na mamahaling mga motorsiklo at ilang sasakyan sa Bureau of Customs.
Gamit ang isang backhoe ay pinadaanan ang mga naturang sasakyan kinabibilangan ng brand new Vespa scooters, segunda manong BMW at isang Harley Davidson motorcycles.
Tinatayang nasa 34.71 Million Pesos ang kabuuang halaga ng mga winasak na sasakyan.
Magugunitang dalawang beses nang nagsagawa ng pagwasak sa mga smuggled cars ang BOC para ipakita na sila ay seryoso sa paglaban sa mga sindikato at mga hindi nagbabayad ng tamang buwis sa pamahalaan.
