Pumalag ang Palasyo sa pahayag ni Senador Kiko Pangilinan na isang kaso ng extra judicial killing ang pagpaslang kay Tanauan City Mayor Antonio Halili.
Sinabi ni Presidential spokesman Harry Roque na duda at haka haka lamang ni Pangilinan ang pinalulutang nitong isang kaso ng extra judicial killing ang nangyari sa alkalde ng Tanauan dahil hindi pa tapos ang imbestigasyon ng mga awtoridad sa naturang kaso.
Sa katunayan, inihayag ni Roque na hindi pa batid kung ano ang motibo ang pagpatay kay Halili, kung pulitika o iligal na droga o iba ang dahilan sa pagpaslang sa nasabing alkalde.
Mas mabuting hayaan na lamang ang mga otoridad ang tumukoy sa tunay na motibo at maiwasan ang anumang ispekulasyon.
