Ihihirit ni Pangulong Rodrigo Duterte sa Kongreso ang pagsasagawa ng isang special session para sa mabilis na pagpasa ng Bangsamoro Basic Law.
Ito ang inihayag ni Pangulong Duterte sa kanyang pagdalo sa Bangsamoro Assembly sa bayan ng Sultan Kudarat, Maguindanao, kahapon.
Ayon sa punong ehekutibo, walang dapat maiwan sa usapang pang-kapayapaan mapa-Muslim, Kristyano o Lumad.
Hindi anya matatapos ang kaguluhan kung hindi sosolusyonan ang matagal ng problema sa Mindanao.
