Handang tanggapin ng Association of Boxing Alliances of the Philippines o ABAP si 8-division World Champion Manny Pacquiao na maging bahagi ng National team na sasabak sa 2016 Rio Olympics.
Sariwa pa si Pacquiao sa impresibong panalo kontra Timothy Bradley kung saan nagtala ito ng unanimous decision win sa MGM Grand Garden Arena sa Las Vegas, Nevada.
Ayon kay ABAP Presidet Ricky Vargas, matagal nang naghahangad makasungkit ng ginto ang Pilipinas sa Olympics at bukas na bukas ang pintuan nila kay Pacquiao.
Samantala, sinabi naman ng Pinoy boxing icon sa isang panayam sa telebisyon na wala pa syang pinal na desisyon ukol sa pagsabak Olympics pero nilinaw nito na kung para sa bayan ay lalaban pa rin sya.
By Mark Makalalad
