Mas pinabilis pa ng Department of Environment and Natural Resources (DENR) ang pagproseso ng environmental compliance certificates (ECCS), sa ilalim ng bagong memorandum circular na inilabas ng Environmental Management Bureau (EMB).
Sa pamamagitan ito ng pag-streamline sa mga proseso at requirements para masunod ang 20 working days na itinatakda ng RA 11032 o ang Ease of Doing Business and Efficient Government Service Delivery Act.
Sakop ng bagong memorandum ang mga new at single projects na naihain sa ilalim ng online system kasama ang mga kasalukuyang single projects.
Ang EMB Regional Offices ang maaaring mag-apruba o mag-deny ng mga ECC application sa loob ng 20 working days mula sa pagkakatanggap nito, depende sa dokumentong ipinasa.
Kapag walang aksyon sa aplikasyon ng ECC sa loob ng 20 araw, awtomatikong i-issue ng online system ang kanilang ECC permit. —sa panulat ni Abby Malanday
