Aminado si Commission on Elections Spokesman James Jimenez na magiging isang hamon ang pagbabago sa Roster ng Poll Commissioners sa gitna ng preparasyon sa May 9 polls.
Pawang magreretiro sa February 2 sina Comelec Chairman Sheriff Abas, Commissioners Rowena Guanzon at Antonio Kho Jr.
Ayon kay Jimenez, dapat mabilis matuto ang mga bagong itatalagang Commissioner lalo’t sa unang linggo ng Pebrero aarangkada ang Campaign period kasabay ng pagsisimula ng kanilang panunungkulan.
Mahalaga anyang magtalaga agad ng mga bagong Commissioner upang matiyak ang tuloy-tuloy na operasyon ng Poll body.
Kung hindi naman makapagtatalaga agad, hindi maaaring umabsent ang 4 na nalalabing Commissioner lalo kung may mga mahalagang usapin na dapat pagpasyahan.
Samantala, tiniyak naman ni Jimenez na “minimal” lamang ang magiging epekto ng pagbabagong ito sa Comelec.
