Inihayag ng Manila Police District Director na inatasan siya ni Interior Secretary Eduardo Año na higpitan pa ang COVID-19 health protocols para sa seguridad ng eleksyon.
Sa panayam ng DWIZ, sinabi ni MPD Director Police Brigadier General Leo Francisco na kasama ang pagpapatupad ng minimum health protocol sa security deployment na kanilang inilalatag ngayon sa mga kampanya ng bawat kandidato.
Katulad aniya ng pagbibigay ng face masks sa nahuling hindi nagsusuot nito bilang unang paglabag, pagbibigay ng warning sa ikalawang paglabag at pag-aresto at pagsampa ng kaso sa ikatlong violation.
Samantala, sinabi ni Francisco na nasa last phase na sila ng kanilang paghahanda para sa eleksyon.
