Kinontra ni Senador Panfilo Lacson ang pahayag ni dating pangulong Gloria Arroyo na nagpapasalamat siya kay Pangulong Rodrigo Duterte sa pagkaka-acquit niya sa kasong plunder.
Matatandaang napawalang sala sa kasong pandarambong si Arroyo nang maupo sa pwesto si Pangulong Duterte.
Ayon kay Lacson, dapat ay sa diyos magpasalamat si Arroyo dahil sa kapatawaran nito.
Sa kabila naman ng naging pahayag ni Arroyo ay tiniyak ng Korte Suprema sa publiko na mananatiling independent ang hudikatura at hindi ito nagpapa-impluwensiya sa ibang sangay ng pamahalaan.
