Suportado ng Philippine National Police (PNP) Highway Patrol Group at Metropolitan Manila Development Auhtority o MMDA ang panukalang batas na nagre-regulate sa pagbebenta ng mga sasakyan.
Sa pagdinig ng House Committee ng Transportation, sinabi ni HPG Chief Arnold Gunnacao, suportado nya ang House Bill 5098 o Proof of Parking Space Act na naglilimita sa bentahan ng mga sasakyan partikular sa mga walang sariling paradahan.
Para naman sa MMDA, sinabi nitong maari sanang gamitin ang mga secondary road bilang alternate route ngunit hindi ito nangyayari dahil puno ito ng mga naka-parking na sasakyan.
Marami na ang sumusuporta sa naturang panukalang batas na naglilimita sa pagbebenta ng sasakyan sa isang kustomer kung hindi ito makakapagprisinta ng katibayan na mayroon itong lehitimong parking space para sa kanyang bagong sasakyan.
By Rianne Briones
