Tinawanan lamang ni Senador Francis “Chiz” Escudero ang balitang nilaglag umano niya ang katandem na si Senador Grace Poe.
Sa panayam ng DWIZ, sinabi ni Escudero na kumbinsido siya na bahagi lamang ito ng aniya’y maruming strategy ng ilang pulitiko.
Iginiit ni Escudero na matatag ang samahan nila ni poe.
Una nang napaulat na inabandona umano ni Escudero si Poe matapos itong i-diskwalipika ng COMELEC dahil sa residency at citizenship issue.
“Kami po ni sen. Grace Poe ang may pinakamalalim at pinakamatagal na pinagsamahan kumpara sa iba na tumatakbo.” Paliwanag ni Escudero.
By: Meann Tanbio
