Ikinalugod ng naghain ng disqualification case laban kay Senador Grace Poe ang pagpigil ng Korte Suprema sa desisyon ng Commission on Elections na tuluyang i-disqualify si Poe sa pampanguluhang halalan.
Ayon kay Rizalito David, ang Temporary Retsraining Order na nakuha ni Poe ang nagbukas ng pagkakataon sa mga presidentiables na naideklarang nuisance candidates para dumulog rin sa Supreme Court.
Hinggil sa kanyang petisyon kontra kay Poe, binigyang diin ni David na tama lamang naman na dumaan sa tamang proseso at masunod ang batas sa kaso ni Poe.
“Maari nating tignan yung mga naging ruling ng COMELEC na discriminatory sa napakaraming tao, mayroon din pong issue dyan ng equal protection. Ang dami po talagang bunga ang kalalabasan sa mga kaso na yan na inihayag at idinulog sa Korte Suprema,” paliwanag ni David.
By: Len Aguirre I Ratsada Balita
