“Blunt force trauma” ang natukoy na sanhi ng pagkamatay ni dating Public Works and Highways Undersecretary Maria Catalina Cabral kasunod ng isinagawang imbestigasyon.
Ito mismo ang kinumpirma ni Interior and Local Government Secretary Jonvic Remulla, na nagsabing walang nakitang indikasyon ng foul play batay sa resulta ng autopsy at sa pagsusuri sa lugar ng insidente.
Ayon sa kalihim, bago siya tumalon sa bangin, una na niyang sinurvey ang lugar.
Aniya, ang taas na humigit-kumulang 30 metro na binagsakan ni Cabral ay halos kasing-taas ng isang 10-palapag na gusali.
Lumabas sa autopsy report na basag ang kanang bahagi ng pisngi, partikular ang likod ng ulo, at pumasok ang mga nabaling tadyang sa internal organs, bali rin ang mga paa nito.
Wala ring nakitang palatandaan ng pakikipagbuno sa loob ng kotse, walang skin cells na nakuha sa mga kuko ni Cabral, at higit sa lahat, walang bakas ng tama ng bala ng baril.
