Tuloy pa rin ang paghahanda ng Commission on Elections (COMELEC) para sa Barangay at Sangguniang Kabataan Elections sa Mayo 14.
Ito’y sa kabila ng pagkaka-lusot sa House Committee on Sufrage and Electoral Reforms ng panukalang ipagpaliban ang eleksyon at gawin na lamang sa Oktubre.
Paliwanag ni COMELEC Director Teofisto Elnas, hindi maaantala ang preparasyon hanggat walang pinal na naisasabatas hinggil sa pagpapaliban sa naturang eleksyon.
Sinabi pa ni Elnas na nasa 80 porsyento nang handa ang poll body at nakahanda na rin ang halos lahat ng balota at election returns.
Nakapagsimula na rin aniyang mamahagi ng mga non-accountable forms at maging ang seguridad sa mismong halalan ay nakahanda na rin umano.