Puspusan na ang ginagawang preparasyon ng Commission on Elections o COMELEC para sa halalan sa Mayo ng susunod na taon.
Ayon sa COMELEC, sa ngayon ay naglabas na sila ng invitation to bid para sa kontratista na magdadala ng mga kagamitan, supply, forms at iba pang election paraphernalia sa iba’t ibang rehiyon sa bansa.
Aabot naman sa 1.33 billion pesos ang inaprubahang pondo para sa nasabing kontrata kung saan kabilang din ang serbisyo para sa warehouse.
Nakatakda namang magsagawa ng pre-bidding conference ang COMELEC sa Setyembre 11.
Una nang sinabi ni COMELEC Spokesman James Jimenez na tuloy-tuloy ang gagawing paghahanda ng ahensiya sa kabila ng mga panawagan ng pagpapaliban ng halalan bunsod ng isinusulong na sa charter change.
—-