Sinalubong pa rin ng mga reklamo mula sa ilang pasahero ang paggamit ng beep card sa Metro Rail Transit (MRT), eksakto isang linggo nang sinimulan itong ipatupad.
Ayon sa ilang pasahero na nakapanayam ng DWIZ Patrol, may mga beep card kasing hindi tinatanggap ng machine kapag ini-scan ito.
Hindi rin daw sila naabisuhan na mayroon pa lang 30 segundong palugit para makatawid sa machine kapag na-scan na ito.
Samantala, mayroon pa ring mga pasahero na nagpapa-refund mula sa dating ticket ng MRT.
Pero sa pangkalahatan naman ay mas umikli ang pila ngayong araw kumpara anila noong nakaraang Sabado.
By Allan Francisco
