Inaantabayan na ng Filipino community sa Myanmar si Pangulong Rodrigo Duterte na nakatakdang bumisita doon.
Kasabay ng dalawang araw na official visit ng pangulo ang pagdiriwang ng ika-animnapung anibersaryo ng Philippines-Myanmar bilateral relations.
Ayon sa mga pinuno ng mga grupo ng Pilipino sa Myanmar, tinatayang dalawang daan at limampung Pilipino ang inaasahang pupunta sa Horizon Lake View Hotel sa Nay Pyi Taw kung saan tutuloy si Pangulong Duterte.
Kinikilala umano ng mga Pilipino sa Myanmar ang mga pagsusumikap ng pangulo sa pagtugon sa kanilang mga isyu tulad ng segurid para sa kani-kanilang mga pamilya na nasa Pilipinas.
By Avee Devierte
