Tama lamang ang naging desisyon ni General Oscar Albayalde na magbitiw bilang hepe ng Philippine National Police (PNP).
Reaksyon ito ni Baguio City Mayor at dating PNP-CIDG Chief Benjamin Magalong matapos mag-avail ng ‘non duty’ status sa PNP si Albayalde.
Ayon kay Magalong, ang pagbibitiw ni Albayalde ay bilang proteksyon sa PNP bilang isang organisasyon at upang maiwasan na ang pagkakawatak-watak ng mga pulis.
Binigyang diin ni Magalong, ang dapat maupo bilang susunod na hepe ng PNP ay ‘yung may kakayahang linisin ang kanilang hanay at magpatupad ng tunay na pagbabago.
