Minamadali na ng environmental management bureau ng Department of Environment and Natural Resources (DENR) ang proseso ng pagbibigay ng permit para marami pang crematorium sa bansa ang magbubukas.
Ayon kay DENR Undersecretary Benny Antiporda, kailangan ng maraming crematorium dahil sa dami ng namamatay sa coronavirus disease 2019 (COVID-19) at upang hindi na ito makahawa pa.
Dahil ditto, minamadali umano nila ang proseso gaya ng permit at approval ng mga crematorium sa bansa.
Ani Antiporda, sa ngayon ay may 89 crematoriums nationwide at 69 dito ang operational.