Naniniwala si Justice Secretary Jesus Crispin Remulla na korapsyon at pera ang dahilan kung bakit ibinasura ng Timor-Leste Court of Appeal ang extradition request ng Pilipinas para kay dating Negros Oriental Representative Arnolfo Teves Jr.
Ayon kay Secretary Remulla, pineperahan lamang ng mga tao o abogado ng Timor-Leste ang nasabing kaso.
Dagdag pa ng kalihim na naging basehan ng Timor-Leste ang sinasabing death penalty at torture na maaaring danasin ni teves sa ilalim ng Philippine justice system.
Gayunman, tiniyak ni Secretary Remulla na muli silang maghahain ng motion for reconsideration at iba pang remedyo upang mabago ang pasya ng korte sa Timor-Leste. —sa panulat ni John Riz Calata
