Patuloy umano ang pag-pull out ng U.S. Armed Force sa kanilang mga equipment kabilang ang mga transport vehicle sa Zamboanga City.
Kinumpirma ni PNP-aviation security group chief, Senior Insp. Roderick Salem na simula pa noong Martes ay isang U.S. C-17 transport plane ang dumating sa Zamboanga international airport upang dalhin ang ilang service vehicle at equipment.
Gayunman, tumanggi munang mag-komento ang AFP-western Mindanao command hinggil sa sinasabing pullout maging ang U.S. Embassy sa Maynila.
Magugunitang inihayag ni Pangulong Rodrigo Duterte na nais na niyang palayasin ang military forces ng Amerika sa Mindanao na kanyang sinisisi sa paglaganap ng Muslim insurgencies sa rehiyon.
By: Drew Nacino
